Senin, 29 Juni 2020 Kadadian 22:1-8
NAPASAKKA’ NASANG  PUANG
Tuhan yang menyediakan

Belanna kamagiangan bu’tu kamatakuran umparanduk misa’ pengkarangan. Lendu’ attu, tae’ bang apa ditumbu, sangadi mukkun umpakataku’ kaleta ” iomoke…iamoke…iamoke…”.

Abraham umpa’petiroanni umba susi tu kapatonganan lantuk. Tae’mo na tanga’i Abraham tu perasaanna Sara sia Ishak (ay.2-3). Belanna na patongan Abraham  tu Puang dadi tae’ mo na sala ke dipenombanni tu Ishak saba’ Puang kalenamo umpalakui  la dipenomban lako kale-Na. Inang manassa Puang umpa’bengnni tu Ishak dadi tae’mo na sala kenapalakui Puang sule? Susi duka tonna mekutana tu Ishak” O ambe’ “umbara tu anak domba la tunu pu’pu’”? Mebalimi tu Abraham  nakua:  E, anakku Puang Matua la umpadenanni Kalena tu anak domba laditunu pu’pu’...”(Kad. 7-8). Ianna Abraham, perangi bangmi sia turu’I, sia pogau’ bangmi tu napokadanna Puang, na mintu’-mintu’ na to Puang mo ianna umpasakka’i sia umposara’i.

Ianna tangia Puang tu ta pa’satuan, iamo to na bu’tu tu ka magiangan. Tae’ ta morai umperangi tonganni tu “Gamaranna Puang” apapole’opa tu la unturu’i sia la umpogau’i tu Parentana Puang. Lan katuoanta, ta palosongan kita  tu turu’ tu penaanta sia tanga’ta. Mandu kita ta perangi sia tasattuanan tu kamawatanganta sia pa’barang-baranganta. Iake tapatonganni kumua Puang la umpasakkai, battuananna ta pa’satuanmi tu Puang. Tae’mo tu ma’din la magiang ullolangi te katuoan iate. Ta ma’perangi bangmo kita situang kamengkaolan lantuk lako Puang anna Puang kalena Ia la umpasakka’i situru’ kakianaan-Na. De’ to  na Puang Kalenamora umpapatuiki’ pa’passakkeNa sia karangkosan-Na situru’ pa’poraian-Na. Amin