Senin, 14 Desember  2020 Efesus 6:10-16
PAKEI TU  PAREANA PUANG
(Pakailah Senjata Allah)
Use God’s Weapon

Buda tau ussattuan kabattaranna apa ro’pok bangsia, den duka tu mukkun ka’tu rannu na tibambang pissan. Tae’ gai’na tu ussattuan kale belanna iatu ditingayo tannia apa “mentolino” sangadinna “petua’ ba’tangna deata bulituk”(ay.11b) sia “pangulunnan parenta kamalillinan sola mintu’ kuasa masussuk dao langi’ (ay.12). Manassa inang mawatang tu uali tatingayo belanna inang masussuk (jahat), sia bulituk (licik). senga’pito misa’ apa tang nakita mata belanna ma’paren lan kamallinan. Apamo la dipogau’?

Kadanna Puang nakua, batta’komi lan Puang sia ke’de’ko mengea sisola Puang. Manassa sisolapiki’ Puang anta belai bendan matoto’ untingayoi tu uali tang  payan na tiro mata iamotu  deata bulituk, ondongpiraka, napakinalloimiki’ Puang pa’buno (senjata) sundun susi parea (alat) napake surodadu lan kapararian.Ia tu Pa’buno lu diomai  Puang  iamotu:Umpotambeke’ kamanapparan, umpokararran kamaloloan, umpolapik kamatinurusan, umpobalulang kapatonganan, songko’ bassi kamakarimmanan, sia pa’dang Penaa.

Puang  umbenki’ kawatangan sia IA umpasakka’i  tu pa’buno la dipake parari. Tapatongan siaraka sia la morai tongan siaki’raka sisola sia la napake Puang? Pembudaki’ tu ussattuan kaleta, nenne’ki’ tu mataku’ dolo napakataku’ penanta sia pa’peranginta belanna tae’mo na lu lako Puang tu penaanta sia tanga’ta, belanna nakuasaimo a’gan lino moiraka na mukkun bang tu pudukta unsa’bu sanganNa Puang. Ta mengkatoba’mo belanna, tontong ma’dioren tu Puang umba’rui katuoanta,mepamatoto’ sia na pakinalloi sanda parea mendadi pa’buno la untingayoi mintu’na a’gan lan te lino. Nakua londe Toraya “To mentiruranki’ kita, to lumio’ lan lino, Ta toyanganmi iluanna  pa’kalean” (Londe-londe toraya no.1122) amin