Senin, 16 November 2020 Mazmur 83:10-19
TONTONG MENTOE MANDA’
(Tetap Berpegang Teguh)
Hold Affirmly

Mbai denmo na diolai tu a’gan katuoan natelle tau ba’tu dipatu’tunni ulelean mabanda’ yaraka na mbai umpa’dikki penaanta, sae lako tirambanki’, mo’dong penaa yaraka na bu’tu duka kamagallian sia kasengkeanta. Senga’mito ke ditoro lanni te tondok (Negara), biasa dirangi diolu pira-pira inan temai sangsiuluranta diulai’, tangditangga’ menomba sia senga’-senga’na.

Pa’basanta totemo umpamanassa kamengkaolanna to Ma’pudi lako Puang Matua tonna tingayo kamagasan belanna pira-bira bangsa sipakulu lamorai ussanggang to Israel. Manassa magasa tu a’gan natingayo ke dipemarangai tu kada nasa’bu’ lan passamyangna ;Pa’p. 83:2 “O Puang Matua, da Mimari'pi bang, sia da Mima'pakappa sia da Mima'bituk-bituk, o Puang Matua. Nakilalai to Ma’pudi tu kamatandeanNa Puang Matua unnea to Midian,Sisera,Yabin,Zeeb,Zebah na Salmun (ay.10-12) anna susi daun kayu male nairi’ angin tu tau ia tomai (ay.14). Manappa’ to Ma’pudi kumua lan te narande tana kalua’ tae’ tu ladipasitenderan kamala’biran-Na Puang Matua.

Katuoanta kita to ma’patongan, la katuoan simisa’ta la lan kasipulungan to sarani, inang tae’ annala leluk diomai ma’rupa-rupa petelle sia pelo’bo yarakan na pai’pinniki’ kamagasan. Apa ullendui’ te pa’basanta anta dipamatoto’ ullendui’ patuladanan kapatonganan diomai to Ma’pudi kumua moi raka anna ussa’ding misa’ kamagasa. Papayanmi tu kapa’rannuananna lako Puang Matua. Pentoimi tu kadan-Na Puang susi dipokada lan Roma 12:12 “Sendekomi diona rannummi, ma'tan penaakomi lan kamaparrisan, sia batta' lan kapassambayangan.” Amin