Batu Tuo

Ia tu to ma’patongan, digente’mo batu tuo tu dibangun mendadi misa' banua mempenaa sia kombongan masallo'na tominaa, dikua anna pemalaran pesuru' mempenaa, tu Naporai Puang Matua belanna Yesu Kristus (5), dikua anna pakaleleani tu penggauran kalle-kallean-Na Puang Matua. Iadukamoto anna ia tu mintu’ to ma’patongan digente’mo to maupa’ belanna Napakeangga’mo Puang Matua sule ullendui’ Kristus. Apa moi anna susito, nenne’ kita bangsiamo tu tangumpakeangga’ kaleta belanna mukkunbangpa dipogau’ tu apa tangsusi penggauran to ma’patongan.

Puang Yesu tu nasuale to lino, dipasangtinti batu natibe pande, apa Iamo passangan-Na Puang Matua sia Napilei mendadi batu tuo tu ladinai ungkabu’tui Katuoan, dikua anna minda-minda umparandan kapatongananna lako manassa tae’ annala dipakasiri’ (6). Iamoto tae’ annala dikasirisan tu tontong tumanan umpogau’ kameloan, moiraka anna nenne’ den tau metelle. Ia tu to ma’patongan dipamisa’mo sola Kristus anna mendadi misa’ pa’bangun matoto’ tu tangla tibendon moi anna pamumbukki talimpuru’.

Iamoto anna ia tu kita to ma’patongan tontong ladipakeangga te katuoan nakamaseanki’ Puang, belanna ullendui’ Yesu Kristus anta tarima misa’ sanga ba’ru iamotu dikua ”misa' rapu ditonno', misa' kombongan tominaa ma'parenta, misa' bangsa masallo', sangrapu tau misanNa Puang Matua”. Apa lan tu ianna te dipapassanniki’ passanan tengko iamotu la umpakaleleanni tu penggauran kapuanNa Puang, tu mangka untambaiki’ tassu' lan mai kamalillinan mentama kamaseroan kalle-kalleanNa (9). Ta tontongmo umbangun katuoanta umpoparadangan batu Tuo iamo tu Kristus anta pomatoto’i tuo ullolangi te katuoan. Amin.